Доираи истифодабарӣ

Дастрасӣ ба бозор | Идораи занҷири таъминот | Кишоварзии устувор | Паҳни дониши кишоварзӣ

Маблағгузорӣ

БОҶ

Мақсаду самтҳо

Барномаи озуқавории ҷаҳонии Созмони Милали Муттаҳид дар Тоҷикистон усули Ғизои Мактабӣ бо Истеҳсолоти Маҳаллӣ-ро дар ноҳияҳои интихобшуда дар соли 2023 амалӣ мекунад. Мақсади умумии ин лоиҳа баланд бардоштани амнияти озуқаворӣ ва ғизои кӯдакон дар мактабҳои мақсаднок тавассути таъмини онҳо бо хӯрокҳои серғизо ва гуногун мебошад. Ҳамзамон, мақсади лоиҳа баланд бардоштани дастрасии деҳқонони хурд ба бозори институтсионалӣ барои афзоиши даромад ва беҳбуди воситаҳои зиндагии онҳо мебошад. Созишномаи сатҳи саҳроӣ (FLA) бо Нексигол Мушовир ҳамчун шарики ҳамкор барои амалисозии ин лоиҳа ба имзо расонида шудааст.

Мӯҳлат

Майи 10, 2023 – Феврали 29, 2024

Фарогирӣ

Ноҳияҳои Б.Ғафуров ва Спитамен дар вилояти Суғд, Кӯлоб ва Восеъ дар вилояти Хатлон ва Рашту Тоҷикобод дар НТМ

Кӯмакгирандагон

Баҳрабардорони бевоситаи лоиҳа 30 мардон ва 60 занон аз хоҷагиҳои деҳқонии хурд, инчунин 1-6 тоҷирон мебошанд, ки дар байни деҳқонон ва мактабҳо нақши пайвасткунанда хоҳанд дошт.

Шарикон

Гурӯҳҳои Истеҳсолӣ/Гурӯҳҳои Истеҳсолии Занона, мактабҳои мақсаднок, ҳукуматҳо, шӯъбаҳои маориф, шӯъбаҳои кишоварзии ноҳияҳо ва вилоятҳои мақсаднок, мақомоти ҷамоатҳои ҳар як макони мактабҳои мақсаднок, Кумитаҳои Идоракунии Лоиҳа, тоҷирони хурду миёна

Фаъолиятҳои асосӣ

• Гузаронидани арзёбии ҳамаҷонибаи эҳтиёҷот, ки аз (1) Эҳтиёҷоти мактабҳо ба маҳсулоти хӯрока, (2) Низомҳои мавҷудаи озуқаворӣ ва иқтидори маҳаллӣ барои истеҳсоли озуқа ва (3) Маълумоти ибтидоӣ иборат аст.
• Таҳия ва амалисозии барномаи интиқоли технологияҳо барои гурӯҳҳои истеҳсолкунандагони хурд, аз ҷумла::

(1) Таъсиси бонки тухмӣ барои ҷорӣ намудани тухмиҳои ба тағирёбии иқлим тобовар
(2) Таҷҳизоти кишоварзӣ, аз қабили асбобҳои боғдорӣ, ҳароратсанҷҳои ҳавою хок, ҳисобкунакҳои намии хок, таҷҳизот ва лавозимот барои коркарди пас аз ҷамъоварии ҳосил ва ғ.
(3) Истеҳсоли компост ва биогумус
(4) Парвардахонаҳои туннелӣ
(5) Гармхонаҳои офтобӣ
(6) Кишоварзии амудӣ барои истеҳсоли хӯроки сабзи чорво, микро-сабзаҳо ва занбӯруғҳо
(7) Чорво бо хӯрокаш ва дигар лавозимоти лозимаи ибтидоӣ

• Таҳия ва амалисозии барномаи таҳкими иқтидор барои гурӯҳҳои истеҳсолкунандагони хурд ва тоҷирон, аз ҷумла::

(1) Таъсиси гурӯҳи истеҳсолкунандагон ва идоракунии инклюзивии гурӯҳ
(2) Кишоварзии хурдмиқёси анъанавӣ ва инноватсионии аз ҷиҳати экологӣ солим, ба ғизо ҳассос барои истеҳсоли маҳсулоти хӯрока ва хӯроки чорво
(3) Омӯзиш барои Роҳбарони Гурӯҳҳои Истеҳсолӣ
(4) Омӯзиш барои Муҳосибони Гурӯҳҳои Истеҳсолӣ
(5) Қоидаҳои хариди давлатӣ / Принсипҳои хуби тиҷорат

• Пайваст кардани Гурӯҳҳои Истеҳсолӣ бо мактабҳои мақсаднок, тоҷирон ва бозорҳои маҳаллӣ
• Ба роҳ мондани робитаҳо дар байни ҳамаи ҷонибҳои манфиатдор ва тавонмандсозии ҷомеа