Беҳтар шудани сифат ва ҳосили маҳсулоти кишоварзии ҳамаи 50 Гурӯҳҳои Истеҳсолии Занон (ГИЗ), инчунин афзоиши арзиши иловашудаи маҳсулоташон, ба монанди истеҳсоли меваҳои хушк ва консерваҳои сабзавот, ба ГИЗ имкон дод, то ки маҳсулоти худро бо нархи беҳтар фурӯшанд ва иштирокчиёни тавонои бозор шаванд. Ҳосилнокии маҳсулот барои баъзе зироатҳо 70% ва барои баъзе зироатҳо 127% баланд шуд. Ин натиҷаҳои афзоиши маҳсулот ба баҳодиҳии расмӣ, ки тавассути усули санҷиши ҳосил дар давраи ҳосили соли 2017 гузаронида шудаанд, асос меёбад

Барои тавонмандсозии занон дар гурӯҳҳои истеҳсолӣ ҳама нақшҳо аз ҷониби занҳо иҷро карда мешаванд. Қобилияти роҳбарони ГИЗ барои қабули қарорҳои оқилонаи идоракунии тиҷорат мустаҳкам карда шуд, ки боиси афзоиши даромад гардид. Роҳбарони ГИЗ инчунин ба гуфтушунид бо таъминкунандагони воситаҳои истеҳсолӣ, харидорон ва дигар иштирокчиёни бозор тайёр шуданд. Аз як тараф, ин ба аъзоёни ГИЗ барои ба роҳ мондани ҳамкории дарозмуддат бо таъминкунандагони воситаҳои истеҳсолӣ ва имзои созишномаҳо оид ба хариди якҷояи тухмӣ ва инчунин фурӯши якҷояи маҳсулот кӯмак расонд. Тибқи далелҳои миқдорӣ, ки тавассути пурсишҳо ҷамъоварӣ карда шудааст, ГИЗ тавонистаанд дар якҷоягӣ ба маблағи 1 234 955 сомони қариб 490,7 тонна маҳсулот ба фурӯш гузоранд. Ғайр аз ин, ГИЗ дар бозорҳои маҳаллӣ 3 нуқтаи савдо кушоданд. Аз тарафи дигар, ширкатҳои хусусӣ ба барпои муомилоти тиҷоратӣ бо ГИЗ таваҷҷӯҳи бештар зоҳир мекунанд. Масалан, 37 созишномаи дарозмуддати байни ГИЗ ва ширкатҳои хусусӣ ба имзо расид

Инчунин, аз лоиҳа эффектҳои мултипликаторӣ низ ба вуҷуд омадаанд. Тухмиҳои баландсифати сабзавот ва технологияҳои нави хушккунии мева, ки дар доираи лоиҳа намоиш дода шуда, аз ҷониби аъзоёни ГИЗ бомуваффақият татбиқ карда шудаанд, имрӯз дар минтақаи лоиҳа маъмул шуданд ва аз ҷониби дигар деҳқонон дар ноҳияҳои мақсадноки лоиҳа истифода мешаванд.